Plantun de Prouvènço

Pèr coumpara dos planto d'encò nostre

Brachypodium hybridum & Sorbus aria

Brachypodium hybridum

Poaceae Graminaceae

Nom en français : Brachypode hybride.

Descripcioun :
Aquéu Brachypodium, planto de l'an, es esta sourti, i'a gaire, dóu group B. distachyon qu'es eissaplouïde (X 6) e que se n'en destrìo eisa sus la planto. Èi d'abord mai grand (15 à 50 cm), si fueio soun pu longo (> 3 e fin qu'à 8 cm), toujour cihado mai emé mai de 12 costo que se vèson à la lùpi (fotò). Coumpara emé la bauco-di-dos-espigo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 15 à 50 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Brachypodium
Famiho : Poaceae
Famiho classico : Graminaceae
Tribu : Triticeae
Ordre : Poales

Coulour de la flour : Verdo
Petalo : ges
Ø (o loungour) enflourejado : 30 à 60 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Mai à juliet

Liò : Paret - Roucaio - Tepiero seco
Estànci : Termoumediterran à Coulinen
Couroulougi : Eurimediterrano
Ref. sc. : Brachypodium hybridum Catalán, Joch.Müll., L.A.J.Mur & T.Langdon, 2012

Aliguié

Sorbus aria

Rosaceae

Àutri noum : Aligié, Aliguié rouge, Alouchié, Ariguié, Aubaliguié.

Noms en français : Alisier blanc, Alouchier.

Descripcioun :
L'aliguié o aligié es un pichot aubre coumun de colo e mountagno. Li fueio soun entiero, dentado e proun blanco dessouto. Li bourroun pegon pas jamai. Li fru rouge deforo e jauno dedins soun manjadis.

Usanço :
"Leis aligié fan de pigno de fruit jaune aqui, quand soun madur [...], leis auceloun òu manjon bèn acò ; es un aubre que pouò veni gros." (D. Camatte, Senès in J.-L. Domenge, EbV, op.cit.). Li fru (alijos), soun astringènt, devènon manjadis un cop a jala. A passa tèms, di tèms de carestié, lis alijo secado e mòuto, mesclado à la farino d'òrdi, servien à faire de pan.